قهوة حواديت

انا جى النهاردة بفكرة(مقتبسه) يارب تعجبكم
نتخيل الموضوع دة قهوة واصحاب قاعدين فيها والاصحاب دول هما اعضاء حواديت
يا ترى مين حيبدا بفتح موضوع من الاصحاب وايه هو الموضوع وحيكون رد الصحاب على الموضوع دة ازاى
مستنى مشاركتكو ورايكو
مين حيبدا بفتح الموضوع انا مستنى

ازيكوا يا احلى شباب واحلى بنات عاملين ايه انا بشكركوا على انكوا مهتمين بالمنتدى وانا بشكر كل اللى شارك فى اى موضوع وانا حاقول راى فى الموضوع دة
هو اه البنت مينفعش تقول للولد انها بتحبه بس ممكن تحسسه بدة من غير ما تقولها

هفتح انا موضوع وبصراحه انا فكرت فى كتير
ليه الولد بيحب ويرتبط وطبعا الموضوع عااادى
لكن تعالو بقى نشوف اخته مثلا او اى بنت طبعا يقولها غلط ومينفعش وكلام من ده
يعنى الولد بيحلل عليه ويحرم على البنات
طب ليه ...الموضوع ده يا صح يا غلط وطبعا على الولاد والبنات
عايزة رأيكم معايا... :?: :?:

سؤال جميل جداااااااا يا سمسه
انا من رايى اننا طبعا كمجتمع شرقى فى فروق كتييييير بين الولاد والبنات وفى حاجات كتيير بتكون ممكنه ومتاحه للولد والعكس بالنسبه للبنت وده طبعا راجع لطبيعه المجتمع الشرقى وعاداته وتقاليده الى احنا عارفينها طبعا فموضوع ان الولد يرتبط ويحلل ده لنفسه ويحرمه للبنت لو كانت اخته او قريبته او بصفه عامه الموضوع يتحلل للولد ويتحرم للبنت بتكون بمعنى اصح شايف انه غلط لان ممكن الولد مش يحافظ عليها او يخاف عليها لو كانت البنت دى اخته او قريبته وكمان بيكون الولد مقتنع بان الموضوع ده غلط بالرغم من ان فى حالات كتير بنشوف فيها ان الولد مرتبط ببنت وشايفها كويسه ومؤدبه وبيخاف عليها جدا وبيحافظ عليها وبتكون البنت دى بعد كده شريكه حياته بس بالرغم من كل ده بيرفض الموضوع ده لاخته ع سبيل المثال لان الراجل بطبيعته الشرقيه بيرفض حاجه زى دى
ميرسي ليكى يا سمسه على التوبيك الجميل
تقبلى مرورى

انا عندى موضوع وعاوزه رايكم فيه بما اننا فى قهوه حواديت
طبعا كلنا عرفنا ان الكينج عمرو دياب نزل البوم والنجم تامر حسنى نزل البوم واكيد كلنا سمعناهم طب ياترى مين الافضل والاحسن عمرو ام تامر؟
طبعا في ناس بتحب عمرو جداااا ومن رايها ان البوم عمرو هو الافضل وناس بتحب تامرجدااااااا وبتقول انه الافضل وفى ناس بتحب عمرو وبتقول انه الافضل وفى اغانى لتامر حلوه وده رايى ايضا
عاوزه اعرفكم رايكم فى الالبومات
الكينج عمرو دياب ام تامر حسنى

والله رائى الشخصى الالبومين حلوين بس مش كلهم

البوم عمرو فيه اغانى عجبتنى واغانى لا والبوم تامر نفس الموضوع

مع انى بحب عمرو بس مش علشان كدة ابقى متحيز ليه

سؤالى هل للارتباط وقت معين فى نظرك ولا وقت ما يجى حتى لو كنت بتدرس ؟

سؤال جميل جدااااا يا عمرو
انا من رايى الارتباط بيجى فى اى وقت مش لازم بعد الدراسه او أثناء الدراسه